सल्यानमा बस दुर्घट्ना पाँच जना घाईटे

सल्यान – सल्यानको बनगाड कुपिण्डे नगरपालिका–६ नाथेखोला बस दुर्घटना भएको छ । नेपालगञ्जदेखि रुकुम चौहरजारीतर्फ जाँदै गरेको ना४ख ७१४६ नम्बरको बस दुर्घटना भएको हो । बसमा सवारी ४० जना यात्रुमध्ये पाँच जना महिला घाइते भएका छन् । 

जिल्ला प्रहरी कार्यालय सल्यानका प्रहरी निरीक्षक गिरीराज भण्डारीका अनुसार रुकुम चौहरजारी नगरपालिका–१ का प्रेमकला न्यौपाने, रुकुम चौहरजारी–५ की प्रमिला पुन, मिना मल्ल, कुमाख गाउँपालिका –५ का दिलमाया रोकाय, वनगाड कुपिण्डे ५ कै रीता नकाल घाइते छन् ।

घाइते सबैको उपचार सल्लिवजारको मेडिकलमा भइरहेको छ । ४० जना यात्रु बोकेको वस नालीमा पल्टेको र गाडी चालक भने फरार रहेको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।