दुर्घटनामा गम्भीर घाइतेको उपचारका लागी सहयोगको आह्वान - MONGOL KHABAR

Breaking

दुर्घटनामा गम्भीर घाइतेको उपचारका लागी सहयोगको आह्वान

सुर्खेत । मंगोल नेशनल अर्गनाइजेशन-डा.गोपाल गुरुङ संगठन जिल्ला सभा सुर्खेतका सचीव भुपेन्द्र थापामगरको कान्छो साला उज्वल रानामगरको बुधबार दुर्घटनामा परि गम्भीर घाइते भएको छ । बर्दिया जादै गर्दा फत्ते पुल नजिकै मोटरसाईकल दुर्घटना भएको थियो ।
मोटरसाइकल चालक मनोज रामजालीमगर भने सामान्य घाइते भएको छ । मोटरसाइकल पछाडी रहेको राना मगर भने मोटर साइकलबाट ढुङ्गामा बजारिन पुगिको कारणले दुईवटा दात भाँचिएको छ, भने आँखाको नजिक ठुलो चोट लागेको छ । घाइतेको आँखाको नसा काटिएको कारणले छिटो भन्दा छिटो अप्रेशन गर्न पर्ने भएकोले आर्थिकको जरुरी छ । हाल उपचारको लागि नेपालगन्जमा रिफर गरिएको छ । आँखाको तत्काल अप्रेसन गर्न परेकोले आर्थिकको  समस्याले तत्काल अप्रेसन गर्न नसक्ने पारिबारिक स्रोतले जनाकारी दिएको छ । साथै सहयोगको लागि आह्वान समेत गरेको छ ।

मंगोल नेशनल अर्गनाइजेशन-डा. गोपाल गुरुङ जिल्ला सभा सुर्खेत द्वारा देश बिदेशमा रहनुभएका सम्पुर्ण मुलबासी मंगोलहरुलाई सहयोगको अपील गरेको छ । सहयोगको लागी सम्बन्धित जिल्ला सभा, प्रदेश सभा, प्रवास सभामा सम्पर्क गर्न सकिने जनाइएको छ ।