पाँच लाख घुस रकम सहित मालपोत कार्यालय निमित्त प्रमुख रामबाबू मण्डल पक्राउ - MONGOL KHABAR

Breaking

पाँच लाख घुस रकम सहित मालपोत कार्यालय निमित्त प्रमुख रामबाबू मण्डल पक्राउ

सिराहा । मंसिर ६ शुक्रवार, अख्तियारले भूमि सुधार तथा मालपोत कार्यालय सिरहाका निमित्त प्रमुख रामबाबु मण्डललाई पाँच लाख घुस रकम सहित पक्राउ गरेका छन् ।

अख्तियार दुरुपयोग अनुसन्धान आयोग बर्दिवासका प्रवक्ता हरिप्रसाद घिमिरेका अनुसार सेवाग्राहीबाट घुस लिइरहेको अवस्थामा उनलाई कार्यकक्षबाटै शुक्रबार पक्राउ गरिएको हो । मण्डलले एकजना सेवाग्राहीका नाममा आएको जग्गाबारेको निर्णय सहितका कागजात उच्च अदालत जनकपुरको राजविराज इजलासमा पठाउन आनाकानी गर्दै घुस मागेका थिए ।

घुस मागेको जानकारी सेवाग्राहीले दिए पछि अख्तियारको टोली सिरहा पुगेको घिमिरेले बताए । उनले भने ‘घटनाको विस्तृत विवरण आउन बाँकी छ । अख्तियारको टोलीले नियन्त्रणमा लिएर मुजुल्का बनाउँदै छ ।