डा.मित्र परियारले एनआरएनए युके सल्लाहकार पदबाट राजिनामा दिए - MONGOL KHABAR

Breaking

डा.मित्र परियारले एनआरएनए युके सल्लाहकार पदबाट राजिनामा दिए

लन्डन । बेलायत स्थित एकजना बुद्धिजीवी तथा मानव अधिकारकर्मी -डा.मित्र परियारले एनआरएनए युकेको सल्लाहकार पदबाट राजिनामा दिएका छन्।

सोमबार एक विज्ञप्ति प्रकाशित गरी परियारले हालै पश्चिम रुकुममा भएको हिंसाको बारे आफुले एनआरएनए युकेको सल्लाहकार समूहमा जिज्ञासा राखेको जनाए । आफुले एउटा वक्तव्य निकाल्न सुझाव दिएको तर आफ्नो सुनुवाई नभएकाले आफुले सल्लाहकार पदबाट राजिनामा दिएको उनले बताएका छन् । साभार लण्डन नेपाल डट कमबाट

-डा.परियारको विज्ञप्ती
आदरणीय अध्यक्षजी,
हजूरहरूलाई थाहै छ, म एक एकाडमिक र एक्टिभिस्ट हुँ । म छुवाछुत बिरोधी अभियानमा लागिसकेको छु । देश र समाज कै बदनामी गर्ने बर्बर पश्चिम रुकुम हिंसा र अत्याचार बारे मैले यस सम्मानित समूहमा जिज्ञासा राख्दै आएँ । पटक पटक घच्घचाएँ र एक वक्तव्य निकाल्ने सुझाव पनि दिएँ । तर एकाध बाहेक ग्रुपमा अनौपचारिक रुपमा दुःख समेत प्रकट गरेको भेटिन ।

यसबाट सायद एनआरएनए नेपाल र नेपालीको लागि होइन रहेनछ, भन्ने गहिरो महशुस भयो । एक छुवाछुत बिरोधी अभियन्ताको नाताले र सल्लाहकार समूहमा मेरो कुनै डिग्निटी नरहेकाले आजैका मिति देखि पदबाट राजिनामा गरेको घोषणा गर्दछु ।
-डा.मित्र परियार
रिसर्च फेलो, किंग्सटन युनिभर्सिटी
रिसर्च एसोसियट, अक्सफोर्ड युनिभर्सिटी